صاصا وحماكه فى مقبرة المساكين

طبعا بما إنى ذى ما قولت خبرة فى المجال الاثرى الجامد جدا قولت لازم اعرف ايه اللى جوة مقبرة المسكين حماكه دا وهنا والعبد لله عمال يبص شمال يمين لقيت لافته تقول الاتجاة من هناااااااااااااااااا

صاصا قب دخول المقبرة

شك صاصا قائلا ويك انها هههههه مقبرة بجد

قولت ليس هناك بد هوب شمال هوب يمين لقيت جثه

جثه يا صاصا كلت الجثه يا صاصا !!!!!!!

لالالا هو انا مش لاقى جثث الا جثه حماكه دا واكلها طيب على الاقل اكل جثه اسمها حلو كدا او كانت جميله الجميلات ذى الحاجه نفرتيتتوتو او حتشبسوسو اهو تبقى الحياة تومام

الملكه حتشبسوسو

وهنا تحدث المفاجأة التى لم تكن على البال!!!!!!!!!

الجثه بتتحرك يالهوى ايه شغل السحر والشعوزة دا طيب اخلع واهرب ولا من شاف ولا من درى

لالا عب لما صاصا يهرب ولكن صاصا يبدو عليه الارتعاد من الخوف ولكن تدور فى عقله بعض الشكوك

كيف عاد حماكه للحياة ؟ انه عاد للحياة استر على عبيدك يارب

صاصا : طيب ازاى طيب ليه طيب اشمعزا حماكه ما المومياوات ذ الفل وكتير

همممممممم صاصا يفكر كيف عاد اليها الحياة وتحركت يد حماكه الملفوفه فى لفائف الكتان , ياجدعان حد ينقذنى الموميا بقالها سبعتلاف سنه وبتتحرك اشتات اشتوت ثم بدءت أقترب من المومياء فى بطىء ولا كانى سلحفاء

صورة لحماكه تخيله رسمها صاصا

وهنا اقتربت الى مومياء حماكه اقترب اقترب اقترب اقترب اقترب

وقمت ووجهت الانوار تجاة مومياء حمو " معلش اصل اسم حماكه مش هاضمه نمشها حمو وخلاص "

وهنا وجدت شىء قد يغير الكون فقد اكتشفت ان حماكه لم يبعث من جديد واللى خلى المومياء تتحرك هى برديه كانت ملفوفه بلفائف تحللت بفعل الزمن فتفتحت لفائف البردى التى كانت تحت يد حماكه شكله كان ماسكها من ساعه ما مات فطبعا ادت الى تحريك المومياء

ولكن صاصا طمع فى البرديتين اللى لقاهم بس هيعمل بيهم ايه وهيعمل ايه وهو فى المكان الغريب دا وازاى هيطلع ممن المتحف عشان يترجم البرديتين دول

كل دا هتعرفوة فى الحلقه الجايه صاصا داخل مقبرة حماكه المسكين

تصويت الحكايه2

طبعا دا تانى تصويت فى حكايات زمان وكان بيتكلم على الفترات التاريخيه اللى الواحد بيحب يقرأ عنها .

وطبعا كان التصويت فيه شوية مفاجأت جامدة موت لقيت نسب التصويت على فترات فى التاريخ كنت متخيل

انها مش هتلاقى قبول لكن لقيت ان الناس كلها اجمعت عليها تعالو نشوف

1- اخد اكبر نسبه تصويت تاريخ القديم والفرعونى وصوت 22 بنسبه 32%

2- ثم التاريخ الاسلامى وتاريخ الصحابة وصوت 18 بنسبه 26%

3- ثم سير عظماء التاريخ صوت 10 ونسبه 14%

4- ثم تاريخ الاندلس وصوت 5 ونسبه 7%

5- ثم التاريخ الحديث وصوت 5 بنسبه 7%

6- ثم تاريخ اوروبا وعصورها وصوت 4 بنسبه 6 %

7- لا أقراء خالص صوت 3 بنسبه 4%

8- تاريخ اخر صوت 2 بنسبه 3%

طبعا جميل جدا انى لقيت فى التصويت دا قلت جدا نسبه الناس اللى مش بتقراء التاريخ وكانت نسبتهم 3 اصوات فقط هما معروفين هههههههه بس وراهم وراهم لحد ما اخليهم يحبو التاريخ

المشكله مش فى التاريخ نفسه المشكله ان الناس اللى درس لنا التاريخ فى المدرسه مش قدرو يوصلونا او يحببونا فى التاريخ دا غير ان دراسه التاريخ بتكون صعبه عكس لما اخد التاريخ هوايه او اقرأ وانا مش خايف من امتحان وكدا

ياريت بقى الناس اللى اختارت تاريخ اخر يدخلو يقولو انهى تاريخ الى بيقرأو فيه

حماكه يا ولاد

صاصا مغامر كبير يحب التنقيب عن الاثار الفرعونيه , فهو مكتشف العديد من المقابر وملوك الفراعنه من تحت التراب بلا فخر ولا تقولى ماريت ولا كارتر

كنت ماشى من كام يوم فى المتحف المصر وفجأة وبدون مبررات ولا اى اشارات وفجأة لقيت البتاعه دى !!!

طبعا بما انا بقالى 4 سنين بروح المتحف ولفه حته حته من اول عمو مينا لحد الحاج الاسكندر مش شوفت البتاعه دى

فطبعا بدءت التنقيب والتعقييب والتفحيص لحد ما اكتشفت حجر كبير ولا ليه مثيل طبعا بما انى عبقرينو في شغل الفراعنه ولا سحر ولا شعوزة وبعبقريه زيادة شويه قولت ان ورا الحجر دا حاجه

وبعد مجهود محدود اكتشفت اكتشاف فريد هيخلى الدنيا جنه , وهنعرف اسرار حياة الفراعنه المصريين وهنلاقى حاجات حلوين فى حكايه صاصا وعمو حماصه داخل مقبرة المساكين .

انتظروا احنا جايين .

عدت اليكم من جديد @

ها قد انتهت فترة التلين وغلق البلوج وقد عدت اليكم بموضوع ليس بجديد ولكنه قديما ولكن الذى جعلنى ان اكتبه هو دخولى على مدونه لعنه الفن سمسمه وجدت خبرا يقول ان مصر أخذت المركز الاول فى اكثر المدن تلوثا فطبعا تذكرت موضوعى القديم الذى كنت كتبته من فترة فى مدونه ثلاث مسافرين تعاول نشوف

الحقائب جاهزة يا بنى بالفعل جاهزة لقد أعددتها ونحن مستعدون لبداية الرحلة ولكن يا أبى أى الأماكن ستكون رحلتنا الوالد : الى مدينه عريقه كانت بالماضى عاصمه حضارة أستمرت قرونا أنها ممفيس فنظر الأبن فى دهشة وأين ممفيس هذة !!! كان هذا هو الحوار الذى دار بين الوالد وأبنة على رصيف المحطة أنتظارا لوصول القطار المتوجه الى ممفيس ثم إنطلقوا فى رحله استمرت 3 ساعات من الوقت الحاضر وقرون وسنين بقطار الزمن حتى وصل القطار سالما الى ممفيس

الزمن : عصر الاسرة السادسه الفرعونيه

الأبن فى تعجب !!! يالها من مدينه ذات روعع وجمال وهنا قام الوالد بالحديث عن المدينه وتاريخها أانها مدينه عريقه أطلق عليها اليونانين أسم ممفيس وأطلق عليها " منف " وكانت عاصمه لمصر فى العصر الفرعونى ثم قام الأثنين بالتجوال فى شوارعها ومناطقها الخلابة فى دهشة وتعجب من روعه وجمال تلك المدينه وتنسيقها وجمال مبانيها ثم بدأ الوالد أبنة التوجه الى القطار مرة اخرى ليرحل القطار متوجها الى العالم الحاضر

الزمن الحالى سنه 2007

وما ان وصل القطار الى محافظه الجيزة حتى توجه الوالد وابنه الى خارج المحطة ثم صاح الابن فى تعجب ما هذة الضوضاء وما هذة الاشياء الملقاة على جنبات الطريق وما هذة الكلمات والعبارات " يقصد شعار محافظه الجيزة مدينه نظيفه متطورة " التى لا تعبر عما نشاهدة فى هذة المحافظة ثم اسرع الاثنان مرة اخرى الى القطار لعلهم يلحقون هذا القطار ليرحلو الى ممفيس مرة اخرى !!!

حديثا

ياخى دية دا

مش عارف المرة دى البوست مختلف انا حبيت ادردش معاكم شويه لانى حاسس بأن مرارتى اتفقعت ايوة والله اتفقعت كنت بتكلم مع بعض الاشخاص من الذين انعم الله عليهم و كانت حياتهم عسرا ومن الله عليهم واصبحت يسرا ربنا يزيد ويبارك واصبح كل همه الان انا هصيف فين هروح السنه دى باريس ولا امريكا ولا اروح مكان ف مصر امممممم نروح شرم الشيخ يييييع مصر ايه وبتاع ايه احنا نطلع على اليونان ولا قبرص ولا تركيا او حتى نروح اسبانيا نروح نقضى الاجازة هناك اجازة العمل والصيف يااااااااااا هى الحياة بقت كدا !!!!!!!!!

طيب ما انا بدل ما اصرف الاف دى اساعد بيها الغير اللى مش لاقى حتى يركب مواصله من بيته لشغله وغيرة بيروح ويروح

جماعه بجد حاجه تحزن اننا لحد دلوقتى فى العصور الوسطى ايوة طيب والله فى العصور الوسطى كانت فى بلدنا افضل مما عليه الان اة والله ذى ما بقول طيب حضرتك او حضرتها تخيلتو ان فى ناس هنا فى القاهرة عاصمه مصر المبجله ساكنين ف عشش !!!!!!!!!!! اة والله فى عشش بل وعشش الفراخ ارحم منهم !! مش تندهش كدا والله فى عشش وانت عاوز تروح باغيس وشرم الشيخ ومش عارف ايه ياعم اتقى الله اتقو الله البلد دى بقت تفقع اة والله شوف الشعب الشعب المطحون طيب والله كلمه مطحون دى شويه عليه شعب طالع عين الللى !@@#@# شباب متلقحين على القهاوى بالهبل وكل بيت دلوقتى فيه على الاقل واحد او اتنين على كراسى البطاله

مساكن فى مصر

طيب جربت حضرتك تسأل حد انت نفسك ف ايه دلوقتى من الشباب هيوقلك نفسى اشوف شغله تبقى فى تخصصى يعن واحد خريج كلية طب بيشتغل بياع سريح وواحد بتاع اداب شغال محاسب وواحد بتاع هندسه مش لاقى شغل وبتاع حقوق بيشتغل نفسه طيب واللى بيشتغل انت بتشتغل اهو هتتجوز امتى؟ اتجوز ايه ياعم انا بجيب اكلى وشربى وهدومى ومرتبى بيكفى وسعات بستلف ال اتجوز ال ومين اللى هترضى ومين اللى لو رضيت اهلها هيرضو بيك وبشغلك وبحياتتك وحبذا بقى لو حبيتلك بنت مش فى مستواك المعيشى ياعم اسكت بقى

هو ليه بقت الحياة كدا بقى فى فجوة عميقه بين الناس وبعضها يا جماعه الرسول اوصى على جارك قبل دارك طيب ياريت تيجى بس على الجار والدار دى وصلت كمان القطيعه بين الاهل وبعضهم دلوقتى العم مش يعرف ولاد اخوة فين ولا ولاد اخوة خلاص ربنا فتح عليه ونس الناس الغلابه اقاربه عايشين متنييلين مش مهم عندة يلا نفسى باكل وبشرب وبركب احسن عربيه وبسافر خلاص يتحرق الباقى ولا اللى بيسافر برة بعد ما طلع عينه هنا يدور على سفر ويسافر ولما حد يطلب منه بعد ما يسافر انه يساعدة يسافر يقوله ان شاء الله هبقى ادورلك ويديلك الطرشه ولا الحكومه خصخصت كل حاجه والله لو الشعب هيجيب فلوس وليه قيمه كانت خصخصته هو كومان يلا يلا معلش انا حبيت افضفضينا معاكم واطلع اللى جوايا تصبحو على وباغيس وبنفيكا

SaSa

عاوزين ناكل هممممممممم

الواد كيمو دا مشكله فجأة وبدون مبررات وعلى طريقه مندهش قالى يا صاصا

عاوز أكل البتاعه اللى أكلتوها دى طبعا كيمو مش أكل معانا المرة اللى فاتت لانه كان منهمك فى التصوير ودايما لما نقوله تعال ناكل يا كيمو يقول لا اصلى لسه واكل مش عارفين ليه هو تقريبا لسببين

1- يأما كيمو جيبه مخروم ومش معاة فلوس

2- او واكل فى البيت ومش جعان

3- او مش بيحب ياكل برة

بس انا طبعا برجح السبب الاول هههههه

طبعا حسيت انى متعهد البيتزا اى حد عاوز ياكل بيتزا يجى يقولى المهم انا حاولت اخد حق مندهش الغلبان لما كيمو قام بتصويرة وهو بياكل البيتزا وهو فجعان فصورته وهو بياكل متيجو نشووووووووووووووووف بس معذرة لو مش نزلت بوست تانى قادم اعرفو ان صاصا تم اغتياله على يد كيمو ومندهش

المرآة الجميله التى آقبلت

صورة تقريبيه للملكه نفرتيتى

خبر جديد

قرأت امس فى احدى الجرائد وهى عن اجمل نساء العالم الملكه نفرتيتى يقول علماء ألمان بعد ان قامو برسم صورة للملكه عبر الكمبيوتر ووضعو بعض التجاعيد على هذة الرسم " ان هذة التجاعيد زادت الملكه نفرتيتى جمالا " وطبعا رأس الملكه ببرلين وقد استخدم العلماء احدث التقنيات للوصول الى هذة الصورة وطبعا الملكه نفرتيتى مشهورة بين العالم ومعنى اسمها " المرآة الجميله التى آقبلت " وهى زوجه الملك اخناتون احد ملوك الاسرة الثامنه عشر

صور لتماثيل الملكه فى اشكالا مختلفه