المخرج : يلا يا نايتى انتى وميكا انجزوا عاوزين الناس توضحك
نايتى : توضحك ليه هو احنا هنقدملهم برنامج السيرك
لا والله انا اسيب البرنامج وامشى وانت عارف محدش يقدر يقدرمة غيرنا
المخرج : يلا طيب 1,2,3 هوااااااااااااااااااااااااا
ثادتى انثاتى مثاهدينا الاعزاء
بعد غياب طويل وترقب لاول حلقات برنامجنا الجديد
نايتى وميكا وستكون اول تلك الحلقات من داخل اسوار الجامعه
لالقاء صورة عن الحياة الجامعيه ومتطلباتها والفرقه الاولى وعمايلها
ربنا يستر علينا والزحااااااااااااام الشديد والجوا دا
نايتى : طبعا بعد المقدمة الكبيرة دة نحن الان فى كلية الاداب بجامعه القاهرة
من حيث اهدى مكان بالجامعه فهناك كثافه غير عاديه
وفارق شاسع ما بين نسبة البنات الى نسبة الاولاد فى الكليه
تعتقدى يا ميكا ايه السبب فى هذا الفارق
ميكا : والله يا نايتى مش عارف ايه السبب طيب وهناخد اول واحد نقابله معانا النهاردة فى الكليه
مثاء الخير انت طالب هنا فى الكليه ممكن تعرفنا بنفثك
ايه اد تلفيزيون طيب ثوانى اعدل تسريحة شعرى
نايتى : ياعم انجز هو انت رايح تخطب
الطالب : ايوة انا طالب فى الجامعه وانا اول يوم لى النهاردة هنا واسمى سمييييير وبيلعونى بحنكش
ميكا : طيب يا حنكش بما انك لسه طالب فى زنة اولى
بين نسبة الالاد والبنات هنا
الطالب : فى الحقيقة
نايتى : طيب معلش هنقطع كلامك وناخد فاصل ونعود
من وراء الكاميرات
خناقه ما بين نايتى وميكا والمخرج وتدخل من الطالب
المخرج : هو انتو فاكرين نفسكم فى برنامج انتو فى الجامعه ومراسلين يعنى مفيش فاصل يخرب بيت الكفرة
نايتى وميكا : معلش يا مخرج اصلى شوفتها قبل كدا فى برنامج الست حالة
المخرج : طيب يلا هى ليله باينه مش هتعدى على خير
انتظروا الجزء الثانى مع نايتى وميكا قريبا واوعى تولع فى المحطة
10 comments:
الحمد لله انا علقت اول واحد عشان اقعد جنب الشباك
المهم بقي هو الموضوع جميل وفكره بردو انها تبقي حلقات يوميات في الكليه
بس انا عاوز الفت نظركم للاخطاء الاملائيه عشان الواحد يقدر يعيش في مود القصه دون المحاوله لفك رموز الكلمات
تحياتي
عملت فاصل على فاصل؟
فاصل ونعود
التعليق بعد الفاصل
عدنا
ههههه
التعليق الحلقه الجايه على شان وقت البرنامج انتهى
تامر حسين said...
هلا وغلا منور البلوج والموضوع
بالنسبه للفت النظر جزاك الله خير
بس لى بالك ان هناك بعض الغلطات الاملائيه المقصودة فى الموضوع
مثل ثادتى انثاتى وهكذا من نفس المنوال
عصفور المدينة said...
هههههههه
منور بالفاصل
semsem said...
وقت البرنامج امتد يا فندم عشان تعليق حضرتك
ههههههه
انا حاجزة برضه بلكون مش صالة
:D :D
طب والله عجبني اوي ما شاء الله :)
FloNa said...
هلا بالاخت فلونا عندنا فى البلوج
الحمد لله ان الموضوع عجبكم وان شاء الله هينزل الجزء التانى بس بعد الفاصل بقى
ماشاء الله يا صاصا جميل
منتظرين الجزء التانى
روعه روعه روعه
فكره تجنن وتقديم يجنن وسلام مخصوص لنايتي وميكا
لا بجد تجنن فكره مدهشه بس كنت المفروض تكملا الحلقه انت هتعلمنا زي القنوات المصريه انت قاتنه محترمه لا بسرعه اللي بعده علطول
مش قادرة استنى اعرف ايه اللي هيحصل
وشوشني said...
ربنا يكرمك
ان شاء الله هننزل بالحلقه القامه على طول قريبا جدا
ونايتى وميكا بيسلمو عليكى جدا وبيشضكروكى على التعقيب الجميل دا
Post a Comment