وتستمرالاحتفالات

تعالوا نكمل حصل أيه بعد ما بدأت اعمل المدونة

بدأت أتواصل مع الآخرين من أصدقائي اللي عاملين مدونه ذي بتنفس بصعوبة تقريبا هو كان أول مدونه ادخلها بتاعت شرقاوي وعجبتن الفكرة أوى وبدأت الخطوات الأولى للتدوين وتنظيم المدونة وبدأت أتوغل أكثر وأكثر في عالم التدوين

وفى ناس كتير عرفتهم عن طريق التدوين وخاصة في حفلات على الألفي واجتماع المدونين في الأوبرا ذي ويكنى من غير فزلكه و The Alien , وتفاصيل على الالفى طبعا , ووشوشني , وناس كتير خايف أنسى حد

وفى مدونات لازم اعدي عليها باستمرار مش اقدر أتأخر عن الدخول طبعا كل اللي أنا مسجلهم عندي في المدونة بتعجبي تدوينهم بحس إن كل واحد مختلف عن الأخر بنستفيد من بعض كلنا كثقافة وتفكير وكمان الواحد بيحس إننا جميعا أسرة واحدة يعنى عندي مشكله أو فرحان بيكون أول شيء بعمله بنزل بوست جديد عشان الكل يشاركني

من المدونات اللي بحب ادخلها أوى وبتعجبني همسات سمسمه ورساله من تحت الماء لمندهش الواحد بيحس انه داخل عالم تانى خالص وكمان مدونه لعنة الفن سمسم حببتنى جدا في الرسم والفن وخلتني أحاول ارسم واطلع بعض المواهب المدفونة

ومدونه عندليبيات عليا بستمتع وانا داخل المدونه مختلفه خالص واجمل حاجه انها عندليبيات , its my dream tota وDangerous To Know احلى حاجه إنها بتمسك ملف ملف تتكلم عنه , ومدونه اهى ماشيه وبتعدى ومش معاهم , وطبعا حبيب قلبى كيمو لين

طبعا مش اقدر أنسى الناس اللي بتنورني بزيارة المدونة ومن المتابعين الدائمين ليها بس مش مدونين ذي marwa ومحب, بشكرهم جدا على متابعتهم لي الدائمة ودايما منورين المدونة بزيارتهم وتعليقاتهم

وفى النهاية كل عام وانتم بخير