Thursday, July 17, 2008

مجنون رمسيس



وقفت أمام تمثال رمسيس أتأملة فى دهشة انفتح لها فمى .. الصغير ليسع جوز فراخ بلدى وأتعجب من عبقرية الفنان المصرى القديم ... وفجاة وجدت التمثال ينظر لى شذرا فى ضيق ويقول
- خلاص خلصت بحلقة وبلاهة ولا لسه ؟
انتفضت أنتفاضة كبيرة وقولت : بسم الله الرحمن الرحيم هو انت بتتكلم ؟
رمسيس : نا اعاام ؟ طبعا بتكلم وبشوف كمان يا عبيط
أنا : بتشوف .. ببتشوف إيه ؟
رمسيس : هو أنا اللى بشوفة قليل يابنى , دا أنا بشوف بقالى دلوقتى كام سنه وهم حطونى
فى الميدان ع الشمس وبس
إلا مناخيرى انسدت من دخان العربيات والسجاير والمصناع القريبة ولما احاول اعطس عشان اتنفس تانى الاقى اللى الله يخيبهم بيعملوا زى الناس تحت رجلينا لما الواحد قرف
منكم يا شعب حجر
فين ايام ما كنت متزوج 48 ست ومتدلع ولا الحاج متولى بتاعكم ؟
انا : انت كمان عرفت دة ؟ طيب يا سى رمسيس انت عايز إيه دلوقتى ؟؟
رمسيس متنهدا: أأة نفسى ينقلونى حتة كدة على مزاجك ..ز لحسن شغلانة التمثال دى حاجه وحشه قوى وبعدين انا عايز اغير بقى وأشوف مناظر جديدة
أنا : يعنى تحب تبقى جوا حديقه الأوبرا مثلا
صاح رمسيس بغضب كاد ينخلع معها تاجه الحجرى الكبير جاتك نيلة عليك وعلى اختياراتك .. اقولك حتة على مزاجك تقولى أوبرا
أنا بضيق : رمسيس أنت الفاظك بقت مش ظريقة خالص وأنا شاكك إنك كنت ملك فى يوم من الايام
رمسيس : ما هو من عمايلكوا من عاشر القوم 40 يوم بقى منهم وشوف أنا معاشر الخلق دى قد إيه لما نستونى اسمى
دا انا ياما ورد على يا ابنى

أنا : طب وتقترح تروح فين يا رمسيس باشا تانى

رمسيس حالما : اة نفسى أروح مكان كدة مدلع مروشن ويليق بيه كملك

اشمعنى يعنى ابو الهول هو احسن منى دا ساكن جنب الهرم ومروق نفسه على الأخر .. حاكم بيقولوا الهرم دلوقتى أحسن من زمان بكتير

أنا : اة انت هتقولى يا ابو الرماسيس خصوصا الشارع ..ز رمسيس مكملا : أيش كازينو من هنا واسمع أغنية من هنا مش تقولى اوبرا قال أوبرا قال

أنا :طيب يا سيدى أوصل صوتك للمسئولين و...ب

أنا : طب قولى بس اى حاجه أنا اقدر أعملها

رمسيس دامعا : حتعمل إيه يابنى روح الله يسهلك صحت بأعلى صوتى :أنا لازم اعملك حاجه اريحك كلنا فداك يارمسيس , كلنا بنحبك يا أبو الرماسيس

وفجأة!!!

وجدتنى بين اتنين من رجال الشرطه يسحبوننى من أمام التمثال بهدوء ولقيت أمه لا إله إلا الله كلها بتتفرج على فى الميدان .

نظرت لتمثال رمسيس فوجدته واقفا كامعتاد لا حس ولا خبر زعقت عليه

رمسيس : قولهم إنك كنت بتتكلم معايا قولهم إن احنا بقينا صحاب كلمهم اله لا يسيئك دول فاكرينى مجنون احنا بقينا صحاب كلمهم دول فاكرينى مجنون انا حوديك شارع الهرم ...

منقووووووووول

9 comments:

قيـ ـثارة said...

ههههههههههههه

يانهار ابيض

تحفة والله

ربنا يكرمك يا صاصا على نقله

بس بجد دمه خفيف اوى

banotetmasr said...

هههههه

ياعيني عليك يارمسيس

لذيذة جدااا

ياصاصا

تحياتي

§a§a said...

....سمسمه said...

الحمد لله ان الموضوع طلع خفيف
سعات بحس ان انا الواد اللى واقف ادام تمثال رمسيس كتير
ههههههههههههههه


تهيات بقى


تحياتى

§a§a said...

banotetmasr said...

والله رمسيس اتبهدل معانا مع الشعب المصرى دا



تحياتى

الزهراء said...

بوست جميل

بس لو فعلا رمسيس اتكلم اكيد هيقول اكتر من كدا


واكيد فعلا اتخنق م المصريين

لو البوست كان ليه تكملة هيكون احلي


:)

§a§a said...

الزهراء said...

دا الحمد لله ان رمسيس ساكت لحد دلوقتى

دا لو اتكلم هيبكى بدل الدموع دم

هههههههههه

تحياتى

houda said...

ايه دا يا عامينا يا باختك يا سيدي دا انت حظك ييتحسد عليه انت عاريف ايه معنى رمسيس يكليمك بس والله حرام غليه في نهاية سابك تيتكلم وحدك ليحد ما فتكروك مجنون بس ان جيت للحق هما معاهم حق انا مستغريبة ازي ما وادوكشي لمستشفى المجنين تحياتي موضوع جميل

houda said...

ايه دا يا عامينا يا باختك يا سيدي دا انت حظك ييتحسد عليه انت عاريف ايه معنى رمسيس يكليمك بس والله حرام غليه في نهاية سابك تيتكلم وحدك ليحد ما فتكروك مجنون بس ان جيت للحق هما معاهم حق انا مستغريبة ازي ما وادوكشي لمستشفى المجنين تحياتي موضوع جميل

§a§a said...

houda said...


اة والله رمسيس دا عليه حركات


نورتنى وحمد على السلامه يا هدى منتظرين موضوعاتك

تحياتى

حلوة