تاج جديد جالى من وشوشنى هما تاجين التاج لاول دردشه
عن طريق اسئله والتانى اختبار تعالو نشوف
مين اكتر ست اشخاص بتحبهم ؟
طبعا اكيد عائلتى بس انا نفسى اقول 6 اشخاص احبهم فى الحياة
عامة وقرات عنهم كثير لدرجه انى احببتهم واتمنى ان أراهم
موسى بن نصير , عمر بن عبد العزيز , عمر بن الخطاب ,
طارق بن زياد , محمد الفاتح . وصلاح الدين الايوبى
هل انت سعيد ؟
لا انا مش سعيد انا مصطفى هممم احتمال ايوة واحتمال لا
على حسب احوال الدنيا معايا بس فى الغالب الدنيا ملطشه
فممكن تقول مش سعيد
لو اجتمعت مع حسنى مبارك فى مكان واحد هتعمل ايه ؟
ممم حسنى مبارك مرة واحدة ريسنا يعنى مش مصدق نفسى دا
انا هقول كلام ولا فى الاحلام ربنا يستر علينا بس ممكن اقولة عن
حكايات زمان وكلمه ليه هقوله ضع العمرين " بن الخطاب , بن
عبد العزيز " امام عينك فالملك زائل الا ملك الله سبحاته وتعالى
بتحب مصر ؟
مصر هى كل حياتى بحبها جدا وبحب شوارعها ونيلها واهلها الطيبين وكل حته فيها بحب اتكلم عنها فى اى مكان وزمان وامما اى حد نفسى الكل يعرف تاريخها
ويعرف هى ايه مصر اكيد بحبها مش حب عادى
انت مسلم ؟
الحمد لله على نعمة الاسلام وكفا بها نعمة
ليه ؟
ليه ايه سؤال المفروض مش يتسأل بس طبعا عشان ربنا اصطفانى من سائر خلقه انى اكون مسلم واشهد انه لا اله الا الله وان محمد رسوله صلى الله عليه وسلم
مين اكتر شخص مش تقدر تستغنى عنة ؟
أمى
اكتر موقف محرج ؟
مواقف كتير اوى بس مش متذكر منها الان بس ممممممم
ممكن موفق كنت فى الكليه وكان فى وقت فاضى بين محاضرتين فصديق لى قالى تعالى احضر معايا المحاضرة دى وكانت فى اللغه العبريه
طبعا قولت ماشى ورحت معاة وفجأة الابواب اغلقت ولا كأنى فى مذبحه القلعه ثم هاجم دكتور المادة وقال كل واحد يطلع الكارنيه وبدء يدور على كل بنش فى المدرج طبعا انا كنت فى قمه الاحراج ليكتشف الدكتور امرى لكن الحمد لله
الامنية اللى تتمنى تحقيقها ؟
امانى كتير جدا بس اهمها انى اروح اصلى فى القدس الشريف بعد تحريرها
ان شاء الله عما قريب
امرر التاج لمين ؟
وانطفأت شمعه بنوته , مندهش رساله من تحت الماء , همسات سمسمه ,
لعنة الفن , I`m Your Mind كاتروز
الاختبار التانى : وهو اختبار لادمان التدوين وطلعت ذى ما انتو شايفين
والاختبار هنا للناس اللى اتمررلها التاج فوق
50%
Mingle2 - Online Dating
3 comments:
ممممم
أنا سمعت سيرتي في الموضوع ..
ممكن تقولي أعمل إيه
عشان زي مأنت عارف
أنا جديدة في الحكاية دي
يعنى يا فندم تاخدى التاج وتجاوبى على الاسئله عندك ذى ما انا عملت واخدت التاج من وشوشنى
هههه
مرسي يادكتور صاصا
نجيلك دايما في الأفراح كدة
إن شاء الله
معلش أنا عارفة
إن ذكائي خارق
استحملني ينوبك ثواب
Post a Comment