Thursday, May 24, 2007

معلش احنا بنتبهدل



معلش احنا بنتبهدل

ايوة معلش احنا فعلا بنتبهدل بس الغريب ان اشعب المصرى هو الوحيد بين الشعوب اللى متبهدل والاغرب ان هو بردة الشعب الوحيد اللى فى العالم كله يتأقلم على اى حاجه , هتلاقيه غلبان طيب من البيت للشغل للشغل للبيت فى حاله لكن المصايب بترخ على دماغه هيعمل ايه ممكن نقول عليه شعب سلبى هممممم مش اوى

ممكن تقول انه شعب بيحاول يكبر دماغه يعنى مش عاوز المشاكل

ولو عملت دراسات عليه هتلاقيه بيتكيف مع كل المواقف

غلاء اسعار تلاقيه شغال البنزين سعرة بقى نار وهو ياسلام ولا همه حتى لو ركب الحمار مواصلات ولا علب السردين والله علب السردين بقت ارحم من انك تركب اتوبيس او ميكروباص فى ساعه القيلوله وما ادراك ما هذة الساعه ساعم الراجل يركب فيها اى مواصله لاى مكان بس ايه فى مصر مفيش الكلام دا ممكن تركب رجلك تتشعبط على باب الميكروباص ولا اكنك بتلعب جمباز فى اوليمبياد اثينا

كنت من كام يوم راجع من شارع الجامعه وطبعا شارع الجامعه كان زحمه زحمة سودة والاغرب ان فى نصف الشارع بالظبط عربيه اسعاف واقفه سائق العربيه بيصرخ لكل الناس عشان يعدى معاة حاله فى العربيه عاوز يروح بأقصى سرعه بس على مين اعد حوالى نصف ساعه فى شارع الجامعه والاغرب ان اللى واقف فى اول اشارة عند الشارع العسكرى والظابط ولا فى الدماغ لكن لو كان رجل مهم او شخصيه من بتوع الايام دى كان الطريق اتفرش مكسرات واترش عليه حلاوة طحينيه والله الشعب دا غلبان

10 comments:

semsem said...

هو مش غلبان
هو مغلوب على امرة انا بس مش عارفه ازاى وليه الناس بتتكيف بالسرعه دى مع اى وضع ربنا بستر علينا وعلى ولادنا من الوضع الجاى

§a§a said...

هو بردة نوعا ما غلبان او ممكن تقولى انه مش بيحب المشاكل او بيخاف

يقول هجيب لنفسى المشاكل ليه
عشان كدا بيبتعد عن اى حاجه

وفى نفس الوقت بيحاول يتكيف على الوضع الجديد

Unknown said...

السلام عليكم, انا اسمى مريم , وكنت بس عايزة اعلق على البوست بتاعك. المشكلة ان الشعب ده فعلا طيب بس للاسف طيبته دى وصلت لدرجة السلبية اللى وديتنا فى دهية. وياريت هم البلد دى بس مواصلات , الا اللهم صللى على النبى من كله : العيش والعيشة واللى عايشينها. بس احنا اللى مرخصين نفسنا. وارجع واقوللك بص للنص المليان والدنيا حلة وبمبى والجو ربيع بس احنا اللى شعب مش وش نعمة ومشى حالك انطلاقا من المثل الشعبى اللى ما فيش حد بيقولله غير المصريين تقريبا: الباب اللى يجيللك منه الريح
............. كمل انت بقى , وميسريي اوى واسفة انى خنقتك وطولت عليك. سلام

§a§a said...

mariamdraz_2006 said...

وعليكم السلام ورحمه الله وبركاته

اهلا بحضرتك يا مريم فى البوست والمدونه وان شاء الهل نتمنى ان تكون زيارة دائمه

كلامك صح جدا

بس دلوقتى حتى مش بقى فى نصف ملليان ونصف فاضى الكوب كله بقى فاضى ودا اللى مخلى الواحد بيحاول يتكلم

وشوشني said...

بص هو غلبان ومش غلبان في نفس الوقت الواحد ممكن يتهيأله انوا الشعب المصري غلبان بس هو زي ماقلت سابي بص مصر مع ان الواحد لو شافها يقول احلي بلد بس صدقني هي مليانه مصايب وده كله الشعب راضي الشعب اضطر انوا يقبل الرشوه والوسطه وكل حاجه عشان الشعب نفسه يعيش انا مش عارفه انا لغايه دلوقتي مش عارفه ااقول انه غلبان ولا ايه مش عارفه لما اسمع الكلام من ماما والكلام االمصايب ااقول ياريتني ماكنت مصريه ولما اشوف الشعب واتعامل معاه الاقيه شعب كله طيبه بس احنا تقريبا امتزاج مابين الاتنين بس مانقدرش نقول ان احنا كاملين احنا عايزين تغييييييييييير جامد

§a§a said...

وشوشنى

كلامك تمام

بس بردة تقدرى تقولى ان الشعب غبان بس اللى مخليه يبقى كدا كثرة الكبت اللى بيعانى منه

يعنى بيحاول يتخلص من اى حاجه تقف امامه ودا بدايه مرحله الانهيار والانفجار

وشوشني said...

بص هو اه من كتر الكبت قدر يقبل كل الحاجات اللي قولت عليها بس صدقني فيه ناس عايشه في كبت ومش بتعمل كده هما اه من الكبت بس معلش لازم يتغيروا مش الكبت بتاعهم اللي يخلي واحد مش مفروض ياخد رخصه عربيه ولا حاجه وبشوية فلوس يدي الواحد الرخصه وبعدين ييجي الواد يبهدل الدنيا ويعمل حوادث في الناس ويتسبب في قتل كام واحد وطبعا مش بيدخل السجن لأ بابي بيدفعله كفاله وخلاص الموضوع بيخلص على كده مش الكبت اللي يموت كذا واحد مش الكبت اللي يخلي منصب مهم يمسكه واحد مابيفهمش فيه ويخرب البلد بس ممكن نقوله غلبان

MONDAHESH said...

شعب دماغه عالية وبينفض

§a§a said...

وشوشني said...

كلامك مظبوط جدا
فعلا هو المشكله ان المتحكم ناس ولا بتحب البلد ولا بتخلى الناس تحبها من اللى بيعملوة
يعنى عشان الواحد يعمل اى حاجه يدى رشوة والمرتشى اساسا عينه فارغه مش عارف يعنى لو الواحد مشى بضمير وعمل اللى عليه كويس هيخسر ايه هيخسر نفسه يعنى مش عارف والله المصريينت بقى فيهم جشع جامد جدا فى كل حاجه

§a§a said...

MONDAHESH said...

والله انت اللى دماغك عاليا يا ابوكاتو

حلوة